ਚੰਡੀਗੜ੍ਹ : ਸੋਸ਼ਲ ਮੀਡੀਆ ’ਤੇ ਇਨ੍ਹੀਂ ਦਿਨੀਂ 23 ਮਹੀਨਿਆਂ ਦੇ ਇੱਕ ਨੰਨ੍ਹੇ ਬੱਚੇ ਰੁਦਰਾਂਸ਼ ਦਾ ਆਤਮ-ਵਿਸ਼ਵਾਸ ਭਰਿਆ ਅੰਦਾਜ਼ ਲੋਕਾਂ ਦੀ ਖਿੱਚ ਦਾ ਕੇਂਦਰ ਬਣਿਆ ਹੋਇਆ ਹੈ। ਆਪਣੇ ਮਾਪਿਆਂ ਦੀ ਨਵੀਂ ਸਕੂਟੀ ਦੀ ਡਿਲੀਵਰੀ ਲੈਣ ਮੌਕੇ ਡੀਲਰਸ਼ਿਪ ਸ਼ੋਅਰੂਮ ਵਿੱਚ ਇਸ ਛੋਟੇ ਬੱਚੇ ਵੱਲੋਂ ਦਿੱਤੇ ਗਏ ਸਟਾਈਲਿਸ਼ ਪੋਜ਼ਾਂ ਦੀ ਵੀਡੀਓ ਇੰਟਰਨੈੱਟ ’ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਨੂੰ ਦੇਖ ਕੇ ਹਰ ਕੋਈ ਉਸ ਦੀ ਮਾਸੂਮੀਅਤ ਅਤੇ ਸਵੈਗ ਦਾ ਕਾਇਲ ਹੋ ਰਿਹਾ ਹੈ।
ਇੰਸਟਾਗ੍ਰਾਮ ’ਤੇ ‘@bhonduuu_baccha’ ਨਾਮ ਦੇ ਅਕਾਊਂਟ ਤੋਂ ਸਾਂਝੀ ਕੀਤੀ ਗਈ ਇਸ ਵੀਡੀਓ ਵਿੱਚ ਰੁਦਰਾਂਸ਼ ਸਫ਼ੈਦ ਟੀ-ਸ਼ਰਟ, ਜੀਨਸ, ਪਿੱਠ ’ਤੇ ਛੋਟਾ ਬੈਗ (ਬੈਕਪੈਕ) ਅਤੇ ਅੱਖਾਂ ’ਤੇ ਨੀਲੇ ਰੰਗ ਦੀ ਐਨਕ ਲਗਾ ਕੇ ਬੇਹੱਦ ਆਕਰਸ਼ਕ ਦਿਖਾਈ ਦੇ ਰਿਹਾ ਹੈ। ਡਿਲੀਵਰੀ ਸਮਾਰੋਹ ਦੌਰਾਨ ਜਦੋਂ ਪਰਿਵਾਰ ਨਵੇਂ ਵਾਹਨ ਨਾਲ ਤਸਵੀਰਾਂ ਖਿਚਵਾ ਰਿਹਾ ਸੀ, ਤਾਂ ਰੁਦਰਾਂਸ਼ ਆਪਣੀਆਂ ਦੋਵੇਂ ਜੇਬਾਂ ਵਿੱਚ ਹੱਥ ਪਾ ਕੇ ਕਿਸੇ ਮਾਡਲ ਵਾਂਗ ਬੇਬਾਕ ਅਤੇ ਸਹਿਜ ਅੰਦਾਜ਼ ਵਿੱਚ ਕੈਮਰੇ ਅੱਗੇ ਪੋਜ਼ ਦਿੰਦਾ ਨਜ਼ਰ ਆਇਆ। ਰੁਦਰਾਂਸ਼ ਦੇ ਮਾਪਿਆਂ ਨੇ ਦੱਸਿਆ ਕਿ ਉਨ੍ਹਾਂ ਦਾ ਪੁੱਤਰ ਬੇਹੱਦ ਮਨ ਮੌਜੀ ਸੁਭਾਅ ਦਾ ਹੈ ਅਤੇ ਜਦੋਂ ਵੀ ਉਸ ਦਾ ਦਿਲ ਕਰਦਾ ਹੈ, ਉਹ ਅਚਾਨਕ ਅਜਿਹੇ ਦਿਲਚਸਪ ਪੋਜ਼ ਦੇਣੇ ਸ਼ੁਰੂ ਕਰ ਦਿੰਦਾ ਹੈ। ਉਨ੍ਹਾਂ ਕਿਹਾ ਕਿ ਬੱਚੇ ਦੀ ਇਸ ਕੁਦਰਤੀ ਅਦਾਕਾਰੀ ਅਤੇ ਲੋਕਾਂ ਵੱਲੋਂ ਮਿਲ ਰਹੇ ਭਰਵੇਂ ਪਿਆਰ ਨੂੰ ਦੇਖਦਿਆਂ ਉਹ ਭਵਿੱਖ ਵਿੱਚ ਉਸ ਨੂੰ ਇੱਕ ਬਾਲ ਕੰਟੈਂਟ ਕ੍ਰਿਏਟਰ ਵਜੋਂ ਅੱਗੇ ਵਧਾਉਣ ਦੀ ਉਮੀਦ ਰੱਖਦੇ ਹਨ
