32 ਸਾਲ ਪਹਿਲਾਂ ਮਿਲਾਵਟੀ ਦੁੱਧ ਵੇਚਣ ਦੇ ਦੋਸ਼ ਵਿਚ ਦੋਧੀ ਨੂੰ 6 ਮਹੀਨੇ ਦੀ ਕੈਦ

ਉੱਤਰ ਪ੍ਰਦੇਸ਼ ਦੇ ਮੁਜ਼ੱਫਰਨਗਰ ਜ਼ਿਲ੍ਹੇ ਦੀ ਇੱਕ ਅਦਾਲਤ ਨੇ ਮਿਲਾਵਟੀ ਦੁੱਧ ਵੇਚਣ ਦੇ 32 ਸਾਲ ਤੋਂ ਵੱਧ ਪੁਰਾਣੇ ਮਾਮਲੇ ਵਿੱਚ ਇੱਕ ਦੋਧੀ ਨੂੰ ਛੇ ਮਹੀਨੇ ਦੀ ਕੈਦ ਦੀ ਸਜ਼ਾ ਸੁਣਾਈ ਹੈ।ਵਧੀਕ ਚੀਫ਼ ਜੁਡੀਸ਼ੀਅਲ ਮੈਜਿਸਟਰੇਟ ਪ੍ਰਸ਼ਾਂਤ ਕੁਮਾਰ ਨੇ ਵੀਰਵਾਰ ਨੂੰ ਇਸ ਮਾਮਲੇ ਵਿੱਚ ਦੋਸ਼ੀ (ਦੁੱਧ ਵਿਕਰੇਤਾ) ਹਰਬੀਰ ਸਿੰਘ ਨੂੰ ਦੋਸ਼ੀ ਕਰਾਰ ਦਿੱਤਾ ਅਤੇ ਉਸ ਨੂੰ 5000 ਰੁਪਏ ਦਾ ਜੁਰਮਾਨਾ ਵੀ ਕੀਤਾ।ਇਸਤਗਾਸਾ ਅਧਿਕਾਰੀ ਰਾਮਾਵਤਾਰ ਸਿੰਘ ਨੇ ਸ਼ੁੱਕਰਵਾਰ ਨੂੰ ਦੱਸਿਆ ਕਿ ਦੁੱਧ ਵਿਕਰੇਤਾ ਹਰਬੀਰ ਸਿੰਘ ਮਿਲਾਵਟੀ ਦੁੱਧ ਵੇਚਦਾ ਪਾਇਆ ਗਿਆ ਸੀ ਅਤੇ ਦੁੱਧ ਦਾ ਸੈਂਪਲ ਜਾਂਚ ਲਈ ਲੈਬਾਰਟਰੀ ਵਿੱਚ ਭੇਜਿਆ ਗਿਆ ਸੀ, ਜਿੱਥੇ ਇਸ ਵਿੱਚ ਮਿਲਾਵਟੀ ਹੋਣ ਦੀ ਪੁਸ਼ਟੀ ਹੋਈ ਸੀ।ਫੂਡ ਇੰਸਪੈਕਟਰ ਸੁਰੇਸ਼ ਚੰਦ ਨੇ 21 ਅਪਰੈਲ 1990 ਨੂੰ ਦੁੱਧ ਵੇਚਣ ਵਾਲੇ ਖ਼ਿਲਾਫ਼ ਅਦਾਲਤ ਵਿੱਚ ਸ਼ਿਕਾਇਤ ਦਿੱਤੀ ਸੀ।