ਪੁਲਿਸ ਕਿਉਂ ਹੈ ਚੁੱਪ!!! ਕਿਉਂ ਨਹੀਂ ਹੋ ਰਹੀ ਕਾਰਵਾਈ!!!
ਜਲੰਧਰ (ਪੂਜਾ ਸ਼ਰਮਾ) ਵੈਸੇ ਤਾਂ ਕਪੂਰਥਲਾ ਸ਼ਹਿਰ ਆਪਣੀ ਖੂਬਸੂਰਤੀ ਲਈ ਬਹੁਤ ਹੀ ਮਸ਼ਹੂਰ ਹੈ ਅਤੇ ਰਾਜੇ ਮਹਾਰਾਜੇ ਦਾ ਸ਼ਹਿਰ ਵੀ ਮੰਨਿਆ ਜਾਂਦਾ ਹੈ। ਪਰ ਕੁਝ ਮਾੜੇ ਅਨਸਰ ਇਸ ਸ਼ਹਿਰ ਦੀ ਖੂਬਸੂਰਤੀ ਨੂੰ ਖਰਾਬ ਕਰਨ ਦੇ ਵਿੱਚ ਪੂਰਾ ਯੋਗਦਾਨ ਦੇ ਰਹੇ ਹਨ। ਦੱਸ ਦਈਏ ਕਪੂਰਥੱਲਾ ਸ਼ਹਿਰ ਦੇ ਵਿੱਚ ਲਾਟਰੀ ਸੱਟਾ ਜੂਆ ਅਤੇ ਨਸ਼ੇ ਦਾ ਕਾਰੋਬਾਰ ਸ਼ਰੇਆਮ ਚੱਲ ਰਿਹਾ ਹੈ ਅਤੇ ਇਸ ਕਾਰੋਬਾਰ ਨੂੰ ਚਲਾਉਣ ਵਾਲਾ ਇੱਕ ਹੀ ਵਿਅਕਤੀ ਦਾ ਨਾਮ ਸਾਹਮਣੇ ਆ ਰਿਹਾ ਹੈ। ਸੂਤਰ ਦੱਸਦੇ ਹਨ ਕਿ ਇਸ ਵਿਅਕਤੀ ਦੇ ਉੱਤੇ ਕਾਫੀ ਮਾਮਲੇ ਮੁਕੱਦਮੇ ਵੀ ਦਰਜ ਹਨ ਪਰ ਅਜੇ ਤੱਕ ਪੁਲਿਸ ਨੇ ਕੋਈ ਕਾਰਵਾਈ ਨਹੀਂ ਕੀਤੀ। ਜਦੋਂ ਪੁਲਿਸ ਨੂੰ ਇਸ ਸਬੰਧੀ ਇਤਲਾਹ ਕੀਤੀ ਤਾਂ ਪੁਲਿਸ ਦਾ ਕਹਿਣਾ ਹੈ ਇਹ ਸਾਡਾ ਕੰਮ ਹੈ ਅਸੀਂ ਕਰਨਾ ਹੈ ਜਾਂ ਨਹੀਂ ਕਰਨਾ ਇਹ ਸਾਡੀ ਮਰਜ਼ੀ ਹੈ। ਜਦ ਇਸ ਸਬੰਧ ਦੇ ਵਿੱਚ ਐਸਪੀਡੀ, ਕਪੂਰਥੱਲਾ ਦੇ ਨਾਲ ਗੱਲ ਕੀਤੀ ਗਈ ਤਾਂ ਉਨਾਂ ਵੱਲੋਂ ਸਾਫ ਹੀ ਕਹਿ ਦਿੱਤਾ ਗਿਆ ਕਿ ਤੁਸੀਂ ਸਾਨੂੰ ਇਤਲਾਹ ਕਰ ਦਿੱਤੀ ਹੈ, ਬਾਕੀ ਅਸੀਂ ਵੇਖਾਂਗੇ, ਪਰ ਇਸ ਦੇ ਉੱਤੇ ਕੋਈ ਕਾਰਵਾਈ ਨਹੀਂ ਕੀਤੀ ਗਈ। ਇੱਥੇ ਇਹ ਵੀ ਜ਼ਿਕਰਯੋਗ ਹੈ ਕਿ ਇੱਕ ਆਮ ਵਿਅਕਤੀ ਨੇ ਲਾਟਰੀ ਸੱਟੇ ਦੀ ਦੁਕਾਨ ਤੇ ਜਾ ਕੇ ਵੀਡੀਓ ਵੀ ਬਣਾਈ ਅਤੇ ਉਨਾਂ ਨੂੰ ਲਾਟਰੀ ਅਤੇ ਸੱਟੇ ਦੀ ਦੁਕਾਨ ਬੰਦ ਕਰਨ ਦੀ ਗੱਲ ਵੀ ਕੀਤੀ ਹੈ, ਪਰ ਹੈਰਾਨਗੀ ਦੀ ਗੱਲ ਹੈ ਜਿੱਥੇ ਆਮ ਲੋਕ ਇਸ ਦੜੇ ਸੱਟੇ ਨੂੰ ਬੰਦ ਕਰਵਾਉਣ ਤੇ ਲੱਗੇ ਹੋਏ ਨੇ ਉੱਥੇ ਹੀ ਅਫਸਰ ਇਸ ਦੇ ਉੱਤੇ ਕਾਰਵਾਈ ਕਰਨ ਨੂੰ ਆਨਾ-ਕਾਨੀ ਕਰ ਰਹੇ ਹਨ।
