ਪਾਕਿਸਤਾਨੀ ਕਦੇ-ਕਦੇ ਆਪਣੀਆਂ ਹਾਸੋਹੀਣੇ ਹਰਕਤਾਂ ਕਰਕੇ ਸੁਰਖੀਆਂ ਵਿੱਚ ਆ ਜਾਂਦੇ ਹਨ। ਹੁਣ ਪਾਕਿਸਤਾਨ ਦੇ ਇੱਕ ਟਰੇਨ ਡਰਾਈਵਰ ਦੀ ਮੂਰਖਤਾ ਭਰੀ ਹਰਕਤ ਸਾਹਮਣੇ ਆਈ ਹੈ। ਪਾਕਿਸਤਾਨੀ ਟਰੇਨ ਡਰਾਈਵਰ ਦੀ ਇਹ ਹਰਕਤ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਹੀ ਹੈ। ਇਸ ਡਰਾਈਵਰ ਨੇ ਬਿਨਾਂ ਕਿਸੇ ਸਾਟਪੇਜ਼ ਦੇ ਟਰੇਨ ਨੂੰ ਰੋਕ ਲਿਆ। ਜਦੋਂ ਉਸ ਨੂੰ ਇਸ ਦਾ ਕਾਰਨ ਪੁੱਛਿਆ ਗਿਆ ਤਾਂ ਪਤਾ ਲੱਗਾ ਕਿ ਡਰਾਈਵਰ ਦਹੀਂ ਖਾਣਾ ਦਾ ਮਨ ਸੀ। ਲੋਕੋ ਪਾਇਲਟ ਨੇ ਦਹੀਂ ਖਰੀਦਣ ਲਈ ਰੇਲ ਗੱਡੀ ਰੋਕੀ ਸੀ।
ਇਸ ਘਟਨਾ ਦਾ ਵੀਡੀਓ ਟਵਿਟਰ ‘ਤੇ ਖੂਬ ਦੇਖਿਆ ਜਾ ਰਿਹਾ ਹੈ। ਜਾਣਕਾਰੀ ਮੁਤਾਬਕ ਪਾਕਿਸਤਾਨ ਦੇ ਲਾਹੌਰ ‘ਚ ਚੱਲ ਰਹੀ ਇੰਟਰ-ਸਿਟੀ ਟਰੇਨ ਦੇ ਡਰਾਈਵਰ ਨੇ ਅਚਾਨਕ ਟਰੇਨ ਨੂੰ ਰੋਕ ਲਿਆ। ਟਰੇਨ ‘ਚ ਸਫਰ ਕਰਨ ਵਾਲੇ ਲੋਕਾਂ ਨੂੰ ਸਮਝ ਨਹੀਂ ਆ ਰਹੀ ਸੀ ਕਿ ਟਰੇਨ ਨੂੰ ਬਿਨਾਂ ਕਿਸੇ ਸਟਾਪੇਜ ਦੇ ਕਿਉਂ ਰੋਕ ਦਿੱਤਾ ਗਿਆ। ਕਾਫੂ ‘ਚ ਕਾਫੀ ਦੇਰ ਤੱਕ ਟਰੇਨ ਰੁਕੀ ਤਾਂ ਲੋਕਾਂ ਨੇ ਮਾਮਲੇ ਦੀ ਜਾਣਕਾਰੀ ਲੈਣ ਦੀ ਕੋਸ਼ਿਸ਼ ਕੀਤੀ। ਇਸ ਦੌਰਾਨ ਟਰੇਨ ਰੋਕਣ ਦਾ ਕਾਰਨ ਜਾਣ ਕੇ ਹਰ ਕੋਈ ਹੈਰਾਨ ਰਹਿ ਗਿਆ।
ਦਰਅਸਲ, ਇਸ ਟਰੇਨ ਨੂੰ ਚਲਾ ਰਹੇ ਡਰਾਈਵਰ ਨੂੰ ਅਚਾਨਕ ਦਹੀਂ ਖਾਣ ਦਾ ਮਨ ਹੋ ਗਿਆ। ਆਪਣੀ ਲਾਲਸਾ ਪੂਰੀ ਕਰਨ ਲਈ ਡਰਾਈਵਰ ਨੇ ਡੇਅਰੀ ਦੀ ਦੁਕਾਨ ਅੱਗੇ ਰੇਲ ਗੱਡੀ ਰੋਕ ਦਿੱਤੀ। ਡਰਾਈਵਰ ਦਾ ਸਹਾਇਕ ਹੇਠਾਂ ਉਤਰਿਆ, ਦਹੀਂ ਦਾ ਡੱਬਾ ਪੈਕ ਕੀਤਾ ਅਤੇ ਵਾਪਸ ਟਰੇਨ ਕੋਲ ਆ ਗਿਆ। ਡਰਾਈਵਰ ਨੇ ਦਹੀਂ ਖਾ ਕੇ ਹੀ ਟਰੇਨ ਸਟਾਰਟ ਕੀਤੀ। ਇਸ ਦਾ ਵੀਡੀਓ ਟਵਿੱਟਰ ‘ਤੇ @nailatanveer ਨਾਮ ਦੇ ਅਕਾਊਂਟ ਤੋਂ ਸ਼ੇਅਰ ਕੀਤਾ ਗਿਆ ਹੈ। ਵੀਡੀਓ ‘ਚ ਕਈ ਲੋਕ ਪੁੱਛ-ਗਿੱਛ ਲਈ ਟਰੇਨ ਦੇ ਅੱਗੇ ਖੜ੍ਹੇ ਨਜ਼ਰ ਆ ਰਹੇ ਹਨ।
