ਲੁਧਿਆਣਾ : Electricity Crisis In Punjab: ਪੰਜਾਬ ‘ਚ ਬਿਜਲੀ ਸੰਕਟ ਦੂਰ ਕਰਨ ਲਈ ਤਲਵੰਡੀ ਸਾਬੋ ਪਾਵਰ ਲਿਮਿਟੇਡ ਯੁੱਧ ਪੱਧਰ ‘ਤੇ ਕੰਮ ਕਰ ਰਿਹਾ ਹੈ। ਸੰਭਾਵਨਾ ਹੈ ਕਿ ਇਕ ਇਕਾਈ ‘ਚ ਅਗਲੇ 48 ਘੰਟਿਆਂ ‘ਚ ਫਿਰ ਤੋਂ ਉਤਪਾਦਨ ਸ਼ੁਰੂ ਹੋ ਜਾਵੇਗਾ। ਟੀਐੱਸਪੀਐੱਲ ਪ੍ਰਬੰਧਨ ਨੇ ਦਾਅਵਾ ਕੀਤਾ ਹੈ ਕਿ ਚੀਨ ਤੋਂ ਜੰਤਰਾਂ ਦੀ ਸਪਲਾਈ ਕੀਤੀ ਜਾ ਚੁੱਕੀ ਹੈ। ਉਮੀਦ ਹੈ ਕਿ ਇਹ ਉਪਕਰਨ ਪਲਾਂਟ ‘ਚ ਇਕ ਦਿਨ ‘ਚ ਪਹੁੰਚ ਜਾਣਗੇ। ਉਪਕਰਨਾਂ ਦੀ ਸਪਲਾਈ ‘ਚ ਮਦਦ ਲਈ ਟੀਐੱਸਪੀਐੱਲ ਪ੍ਰਬੰਧਨ ਨੇ ਪੀਐੱਸਪੀਸੀਐੱਲ ਦੇ ਮੁੱਖ ਪ੍ਰਬੰਧ ਨਿਦੇਸ਼ਕ ਦਾ ਧਨੰਵਾਦ ਕੀਤਾ।
ਗੌਰਲਤਲਬ ਹੈ ਕਿ ਤਲਵੰਡੀ ਸਾਬੋ ਪਾਵਰ ਲਿਮਿਟੇਡ ਦੇ ਸਾਰੇ ਯੂਨੀਟ 9 ਜੁਲਾਈ ਤੋਂ ਬੰਦ ਪਏ ਹਨ। ਇਸ ‘ਤੇ ਵੇਦਾਂਤਾ ਸਮੂਹ ਕੰਪਨੀ ਤਲਵੰਡੀ ਸਾਬੋ ਪਾਵਰ ਲਿਮਿਟੇਡ ਪੰਜਾਬ ਸੂਬੇ ‘ਚ ਵਰਤਮਾਨ ਊਰਜਾ ਸੰਕਟ ਦੇ ਹੱਲ ਲਈ ਜੰਗੀ ਪੱਧਰ ‘ਤੇ ਕੰਮ ਕਰਨ ਦਾ ਦਾਅਵਾ ਕੀਤਾ ਹੈ। ਇਕ ਤੋਂ ਬਾਅਦ ਇਕ ਅਭੂਤਪੂਰਵ ਹਾਲਾਤਾਂ ਦੇ ਪੈਦਾ ਹੋਣ ਨਾਲ ਟੀਐੱਸਪੀਐੱਲ ਦੀਆਂ ਦੋ ਇਕਾਈਆਂ ਤੋਂ ਅਚਾਨਕ ਬਿਜਲੀ ਉਤਪਾਦਨ ਬੰਦ ਹੋ ਗਿਆ ਸੀ।
