ਹੈਦਰਾਬਾਦ– ਰੋਹਿਤ ਸ਼ੈਟੀ ਦੀ ਨਵੀਂ ਕਾਪ ਯੂਨੀਵਰਸ ‘ਸਿੰਘਮ ਅਗੇਨ’ ਅਤੇ ਕਾਰਤਿਕ ਆਰੀਅਨ ਦੀ ਡਰਾਉਣੀ ਕਾਮੇਡੀ ਫਿਲਮ ‘ਭੂਲ ਭੁਲਈਆ 3’ ਦੋਨੋ ਫਿਲਮਾਂ 1 ਨਵੰਬਰ ਨੂੰ ਰਿਲੀਜ਼ ਹੋਈਆਂ ਸੀ। ਰਿਲੀਜ਼ ਦੇ 20 ਦਿਨ ਬਾਅਦ ਵੀ ਦੋਵੇਂ ਫਿਲਮਾਂ ਬਾਕਸ ਆਫਿਸ ‘ਤੇ ਚੰਗਾ ਪ੍ਰਦਰਸ਼ਨ ਕਰ ਰਹੀਆਂ ਹਨ। ‘ਸਿੰਘਮ ਅਗੇਨ’ 250 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਚੁੱਕੀ ਹੈ ਅਤੇ ਹੁਣ ਇਸ ਨੇ 300 ਕਰੋੜ ਰੁਪਏ ‘ਤੇ ਆਪਣੀ ਨਜ਼ਰ ਰੱਖੀ ਹੈ। ਬਾਕਸ ਆਫਿਸ ‘ਤੇ ਇੱਕੋ ਸਮੇਂ ਰਿਲੀਜ਼ ਹੋਈਆਂ ਦੋਵੇਂ ਫਿਲਮਾਂ ‘ਚੋਂ ਅਜੇ ਦੇਵਗਨ ਦੀ ਫਿਲਮ ਕਾਰਤਿਕ ਦੀ ਫਿਲਮ ਤੋਂ ਅੱਗੇ ਹੈ ਪਰ ਹੁਣ ਲੱਗਦਾ ਹੈ ਕਿ ‘ਰੂਹ ਬਾਬਾ’ ਜਲਦ ਹੀ ‘ਬਾਜੀਰਾਓ ਸਿੰਘਮ’ ਨੂੰ ਪਿੱਛੇ ਛੱਡ ਦੇਵੇਗੀ।
ਰੋਹਿਤ ਸ਼ੈੱਟੀ ਦੀ ‘ਸਿੰਘਮ ਅਗੇਨ’ ਨੇ ਪਹਿਲੇ ਹਫਤੇ ‘ਚ 173 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ। ਇਸ ਨੂੰ ਬਾਕਸ ਆਫਿਸ ‘ਤੇ ‘ਭੂਲ ਭੁਲਈਆ 3’ ਤੋਂ ਸਖਤ ਮੁਕਾਬਲੇ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਭੂਲ ਭੁਲਈਆ ਨੇ ਵੀ ਪਹਿਲੇ ਹਫਤੇ ‘ਚ 158.25 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਦੂਜੇ ਹਫਤੇ ਬਾਕਸ ਆਫਿਸ ‘ਤੇ ਕੋਈ ਵੱਡੀ ਰਿਲੀਜ਼ ਨਾ ਹੋਣ ਕਾਰਨ ਦੋਵਾਂ ਫਿਲਮਾਂ ਵਿਚਾਲੇ ਮੁਕਾਬਲਾ ਸੀ। ਦੂਜੇ ਹਫਤੇ ਅਜੇ ਦੇਵਗਨ ਸਟਾਰਰ ਫਿਲਮ ਨੇ 54.61 ਕਰੋੜ ਰੁਪਏ ਅਤੇ ਕਾਰਤਿਕ ਦੀ ਫਿਲਮ ਨੇ 66.01 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਰੂਹ ਬਾਬਾ ਦਾ ਕ੍ਰੇਜ਼ ਬਾਕਸ ਆਫਿਸ ‘ਤੇ ਤੀਜੇ ਹਫਤੇ ਵੀ ਜਾਰੀ ਰਿਹਾ, ਜਿਸ ਨੇ 16.78 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਜਦਕਿ ਰੋਹਿਤ ਸ਼ੈੱਟੀ ਦੀ ਫਿਲਮ ਸਿਰਫ 13.14 ਕਰੋੜ ਰੁਪਏ ਕਮਾ ਸਕੀ।
ਕਾਰਤਿਕ ਆਰੀਅਨ ਦੀ ‘ਭੂਲ ਭੁਲਾਇਆ 3’ ਨੇ ਬਾਕਸ ਆਫਿਸ ‘ਤੇ ਲਗਾਤਾਰ ਚੰਗਾ ਪ੍ਰਦਰਸ਼ਨ ਕੀਤਾ ਹੈ। ਸੈਕਨਿਲਕ ਦੇ ਸ਼ੁਰੂਆਤੀ ਅਨੁਮਾਨਾਂ ਦੇ ਅਨੁਸਾਰ, ਫਿਲਮ ਨੇ ਬਾਕਸ ਆਫਿਸ ‘ਤੇ ਆਪਣੇ 20ਵੇਂ ਦਿਨ ਲਗਭਗ 2.25 ਕਰੋੜ ਰੁਪਏ ਦੀ ਕਮਾਈ ਕੀਤੀ, ਜੋ ਮੰਗਲਵਾਰ ਦੇ ਅੰਕੜਿਆਂ ਦੇ ਬਰਾਬਰ ਹੈ। ਜੇਕਰ ਫਿਲਮ ਵੀਰਵਾਰ ਨੂੰ ਆਪਣੀ ਰਫਤਾਰ ਬਰਕਰਾਰ ਰੱਖਦੀ ਹੈ ਤਾਂ ਤੀਜੇ ਹਫਤੇ ਦੇ ਅੰਤ ਤੱਕ ਬਾਕਸ ਆਫਿਸ ‘ਤੇ 260 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਸਕਦੀ ਹੈ। ਫਿਲਮ ਨੇ ਫਿਲਹਾਲ 20 ਦਿਨਾਂ ‘ਚ ਕੁੱਲ 257.8 ਕਰੋੜ ਰੁਪਏ ਕਮਾ ਲਏ ਹਨ।
‘ਸਿੰਘਮ ਅਗੇਨ’ ਨੇ ਰਿਲੀਜ਼ ਦੇ 20ਵੇਂ ਦਿਨ ਬੁੱਧਵਾਰ ਨੂੰ ਲਗਭਗ 1.65 ਕਰੋੜ ਰੁਪਏ ਕਮਾਏ। ਇਸ ਤਰ੍ਹਾਂ ਫਿਲਮ ਦਾ ਹੁਣ ਤੱਕ ਦਾ ਕੁਲ ਕਲੈਕਸ਼ਨ 258.63 ਕਰੋੜ ਰੁਪਏ ਹੋ ਗਿਆ ਹੈ। ਕਾਰਤਿਕ ਆਰੀਅਨ ਦੀ ਫਿਲਮ ਰੋਹਿਤ ਸ਼ੈੱਟੀ ਦੀ ਫਿਲਮ ਨੂੰ ਮਾਤ ਦੇਣ ਤੋਂ ਲਗਭਗ 83 ਲੱਖ ਰੁਪਏ ਦੂਰ ਹੈ।
