ਨਵੀਂ ਦਿੱਲੀ: ਸਰਕਾਰ ਨੇ ਸੋਮਵਾਰ ਨੂੰ ਸੈਂਟਰਲ ਇਲੈਕਟ੍ਰਾਨਿਕਸ ਲਿਮਟਿਡ ਯਾਨੀ ਸੀਈਐਲ (Central Electronics Ltd) ਨੰਦਲ ਫਾਈਨੈਂਸ ਐਂਡ ਲੀਜ਼ਿੰਗ (Nandal Finance and Leasing) ਨੂੰ 210 ਕਰੋੜ ਰੁਪਏ ਵਿੱਚ ਵੇਚਣ ਦੀ ਮਨਜ਼ੂਰੀ ਦੇ ਦਿੱਤੀ ਹੈ। ਚਾਲੂ ਵਿੱਤੀ ਸਾਲ ਵਿੱਚ ਇਹ ਦੂਜਾ ਰਣਨੀਤਕ ਵਿਨਿਵੇਸ਼ (Strategic Disinvestment) ਹੈ। ਹਾਲ ਹੀ ਵਿੱਚ, ਸਰਕਾਰ ਨੇ ਟਾਟਾ ਨੂੰ ਏਅਰ ਇੰਡੀਆ (Air India) ਚਲਾਉਣ ਦੀ ਜ਼ਿੰਮੇਵਾਰੀ ਸੌਂਪੀ ਹੈ।
1974 ਵਿੱਚ ਕੀਤਾ ਗਿਆ ਸੀ ਸੈਂਟਰਲ ਇਲੈਕਟ੍ਰਾਨਿਕਸ ਲਿਮਟਿਡ ਦਾ ਗਠਨ
ਵਿਗਿਆਨ ਅਤੇ ਤਕਨਾਲੋਜੀ ਮੰਤਰਾਲੇ (Ministry of Science and Technology) ਦੇ ਅਧੀਨ ਸੀਈਐਲ (CEL) ਦਾ ਗਠਨ 1974 ਵਿੱਚ ਕੀਤਾ ਗਿਆ ਸੀ। ਕੰਪਨੀ ਸੋਲਰ ਫੋਟੋਵੋਲਟਿਕ (SPV) ਵਿੱਚ ਮੋਹਰੀ ਹੈ ਅਤੇ ਉਸਨੇ ਆਪਣੇ ਖੋਜ ਅਤੇ ਵਿਕਾਸ (R & D) ਯਤਨਾਂ ਨਾਲ ਤਕਨਾਲੋਜੀ ਵਿਕਸਤ ਕੀਤੀ ਹੈ। ਕੰਪਨੀ ਨੇ ‘ਐਕਸਲ ਕਾਊਂਟਰ ਸਿਸਟਮ’ (Axle Counter Systems) ਵੀ ਵਿਕਸਤ ਕੀਤਾ ਹੈ ਜੋ ਰੇਲ ਗੱਡੀਆਂ ਦੇ ਸੁਰੱਖਿਅਤ ਸੰਚਾਲਨ ਲਈ ਰੇਲਵੇ ਸਿਗਨਲ ਸਿਸਟਮ ਵਿੱਚ ਵਰਤਿਆ ਜਾ ਰਿਹਾ ਹੈ।
