ਮੰਦਰ ਅਜੇ ਸ਼ਰਧਾਲੂਆਂ ਲਈ ਬੰਦ ਹੀ ਰਹਿਣਗੇ
ਸ਼ਿਮਲਾ (ਏਜੇਂਸੀ) ਹਿਮਾਚਲ ਪ੍ਰਦੇਸ਼ ਕੈਬਿਨਿਟ ਦੀ ਮੀਟਿੰਗ ਸ਼ੁਕਰਵਾਰ ਨੂੰ ਸ਼ਿਮਲਾ ਵਿਖੇ ਹੋਈ ਇਸ ਮੀਟਿੰਗ ਦੀ ਪ੍ਰਧਾਨਗੀ ਮੁੱਖ ਮੰਤਰੀ ਜੈਰਾਮ ਠਾਕੁਰ ਨੇ ਕੀਤੀ | ਮੀਟਿੰਗ ਵਿਚ ਕੋਵਿਡ ਦੇ ਮਾਮਲੇ ਘਟਣ ਕਰਕੇ ਕਰੋਨਾ ਕਰਫਿਉ ਵਿਚ ਛੋਟਾਂ ਦੇਣ ਬਾਰੇ ਚਰਚਾ ਕੀਤੀ ਗਈ |
ਅਗਲੇ ਹੁਕਮਾਂ ਤੱਕ ਹਿਮਾਚਲ ਪ੍ਰਦੇਸ਼ ਦੇ ਮੰਦਰ ਅਜੇ ਸ਼ਰਧਾਲੂਆਂ ਲਈ ਬੰਦ ਹੀ ਰਹਿਣਗੇ | ਸ਼ਾਦੀ ਆਦਿ ਦੇ ਸਮਾਰੋਹਾਂ ਤੇ ਜਾਰੀ ਬੰਦਿਸ਼ਾਂ ਜਾਰੀ ਰਹਿਣਗੀਆ ਸਿਰਫ 20 ਵਿਅਕਤੀ ਹੀ ਸ਼ਾਮਲ ਹੋ ਸਕਣਗੇ |
ਬਾਹਰੀ ਰਾਜਾਂ ਵਿਚੋ ਹਿਮਾਚਲ ਵਿਚ ਐੰਟਰ ਕਰਨ ਵਾਲਿਆਂ ਲਈ ਹੁਣ ਆਰ.ਟੀ.ਪੀ.ਸੀ.ਆਰ. ਟੈਸਟ ਦੀ ਜ਼ਰਰੂਤ ਵੀ ਖਤਮ ਕਰ ਦਿੱਤੀ ਗਈ ਹੈ ਪਰੰਤੂ ਹਿਮਾਚਲ ਵਿਚ ਦਾਖਲ ਹੋਣ ਲਈ ਈ-ਪਾਸ ਬਣਵਾਉਣਾ ਅਜੇ ਜਰੂਰੀ ਹੈ |
ਮੁੱਖ ਮੰਤਰੀ ਦੀ ਬਜਟ ਘੋਸ਼ਣਾ ਨੂੰ ਕੈਬਿਨਿਟ ਨੇ ਮੰਜ਼ੂਰੀ ਦੇ ਦਿੱਤੀ ਹੈ | ਸੋਮਵਾਰ 14 ਜੂਨ ਤੋ ਸਰਕਾਰੀ ਦਫਤਰਾਂ ਵਿਚ ਸਟਾਫ ਦੀ ਹਾਜ਼ਰੀ 30 ਤੋ ਵਧਾ ਕੇ 50 ਫੀਸਦੀ ਕਰ ਦਿੱਤੀ ਗਈ ਹੈ |
